Aulas de baile no CSC de Vite

(actualizado 25-02-2020)

Bailes de Moldavia con Veronika (Vera) Gergely. Os bailes dos csángó de Moldavia son sinxelos e moi movidos. Anímaste a aprendelos? As aulas son gratuítas, non requiren coñecementos previos e non hai que traer parella.

  Erdelyes_Carballinho_2019     Miniatura Toledo Magyaroska_B

Se queres pasar unha horiña longa movéndote a base de ben e en boa compañía, achégate ao Centro Sociocultural de Vite (rúa de Carlos Maside, 7, 15704 Santiago de Compostela —ver mapa abaixo—)

HORARIO DAS AULAS: venres de 19.45 a 21.30   

Para apuntarse á actividade ou preguntar, escribide a gergelyes.info@gmail.com ou chamade ao 610631440 (+signal, whatsapp).

***   ***

Aquí podes ver algo do que facemos:

Os bailes en roda (e tamén en filas ou en parella) dos húngaros csángó son moi coñecidos tamén fóra de Moldavia. En Hungría, centos de persoas acoden semanalmente aos táncház (seráns urbanos) moldavos pola viveza da súa música e polos sinxelos pasos de moitos dos seus bailes, que fan que calquera poida unirse inmediatamente ao grupo; tamén no resto de Europa son moi populares e habituais nos festivais de danzas do mundo.

Nestas sesións poderedes aprender un bo número destes bailes, coñecer un estilo distinto de moverse e tamén formas de variar os pasos base, para disfrutar bailando de forma creativa.

*fotografías: XIV Encontro de Danzas do Mundo (O Carballiño, xuño 2019); XVII Festival Danzas sin Fronteras (Toledo, agosto 2018)

Gyimes 2018

(Magyarul lásd lent!) En xullo de 2018 estivemos (Suso e Sergio) nos cursos de música e baile tradicional en Gyimesközéplok, no leste de Transilvania, aprendendo música dos csángó de Gyimes e de Moldavia.

Hai moitos “campamentos” de baile (tánctábor) nos meses de verán en Hungría e Transilvania. E hai acampada, mais tamén xente que acampa en xardíns de casas, que dorme nunha sala da escola ou que aluga un cuarto dunha casa de veciños da aldea, ou que queda nunha pensión. Na semana que dura o campamento hai aulas de baile, de instrumentos propios da zona, algunha charla informativa, presentacións de grupos da zona e baile libre á noite. Por sorte tamén había para os que acudiamos a aulas de instrumentos unha aula de baile (dedicada á tradición de Felcsík) ao final da tarde. Este de Gyimesközéplok celebraba a súa edición nº 22.

Foi ocasión para coñecer xente fenomenal, da que queres volver a ver sen dúbidas, e aprendemos moitísimo. Foi unha semana ben repleta, que rematou cunha visita ás magníficas montañas de Gyimes. Podedes ver un pouquiño de todo isto no vídeo aquí abaixo. A partir de 5:13 puxemos en práctica o hűgetés: con cascos e con atención óese a resposta ao noso berro desde outra montaña (normalmente poden ter conversas máis elaboradas)!

Vedes principalmente, ademais dun pouquiño de música dos csángó de Moldavia e un pouquiño tamén doutras partes de Transilvania, parte dos bailes (en cadea, roda e tamén de parellas) e da música moi  arcaica que caracteriza ás montañas de Gyimes, zona de Rumanía de poboación húngara. As frautas son instrumentos propios de pastores, o gardon é en realidade un violonchelo enxebre empregado como instrumento de percusión e coas cordas afinadas en unísono, que acostuma acompañar o violín.

O mestre Dezső Tankó toca a frauta de pastores no inicio e final do vídeo. Viktor e János Timár tocan violín e gardon. Tamén aparecen os mestres Szabolcs Csibi e Botond Markó (koboz e violín), Róbert Melkuhn (frauta) ou Kamilla Kasabian (violín). Gracias a Bence Antonovits por algunha imaxe e vídeo que completou o que xuntamos deses días!

——

2018 júliusában a gyimesközéploki népzene-és néptánctáborban voltunk (Suso és Sergio).
Nagyon sűrű hetünk volt, sokat tanultunk, a tábort pedig egy kirándulással zártuk, a gyimesi hegyekben túráztunk. 5:13-nél a hűgetést próbáltuk ki, egy jó fülhallgatóval a közeli hegyekből jövő válasz-kiáltás is hallható!
A videó elején és végén Tankó Dezső furulyázik. A szintén gyimesi Timár Viktor és János hegedűn, illetve gardonon játszik. Feltűnik még Csibi Szabolcs (koboz) és Markó Botond (hegedű), Melkuhn Róbert (furulya), és Kasabian Kamilla (hegedű). Köszönjük Antonovits Bencének, hogy az ő képeit és videóit is felhasználhattuk!

Danzas sin Fronteras ’19

Atención! Cambió el horario del primero de nuestros talleres. Será el viernes 16 a las 17 h.!! El segundo será el sábado a las 17 h., como estaba programado.

¡El 16 y 17 de agosto volvemos al Danzas sin Fronteras!

DanzasSinFronteras-19

Aquí tenéis un resumen de lo que hicimos el año pasado, en los dos talleres y el baile.

Y para los que queráis preparar el próximo Magyaroska/Serény magyaros, que triunfó de lo lindo el año pasado, aquí tenéis parte de la muestra en el taller y el baile de la noche.

Vídeos: Clara Mosquera

Este año tendremos alguna novedad, seguidnos aquí o en facebook y actualizaremos en breve!

Aulas de baile no Centro Xove

Actualizado!

As sesións de baile serán finalmente os martes de 20 a 21.30 no Centro Xove de Compostela, na Almáciga. Os bailes ensínaos Veronika (Vera) Gergely.

Se non os coñecedes aínda… os bailes dos húngaros csángó (Moldavia, Romanía) son moi movidos! Vide aprendelos con Vera, non sairedes sen suar. Traede camisa de recambio!

Aquí tedes unha pequena mostra:

 

Podedes pasar polo Centro Xove (ubicación: aquí) e probar, alegrarémonos de que veñades!

No Centro Xove axúdannos a lanzar esta actividade gratuíta. Non se requiren coñecementos previos nin vir en parella.

👉 DÚBIDAS: Contacta co Centro Xove

 

Baile nas Festas da Ascensión

FESTAS DA ASCENSIÓN – DOMINGO 28 DE MAIO

19.30 (OBRADOIRO PREVIO) 20.00 (BAILE)

PRAZA DO TOURAL – SANTIAGO DE COMPOSTELA

Vera Gergely animaravos a participar en sinxelos bailes en roda, filas e parellas acompañados de frautas e kaval, violín, koboz (laúde) e percusión. Se xa bailas, vén probar algo novo; se aínda non, estes son os mellores bailes pra iniciarse e facer festa!!

O baile oficial comeza ás oito da tarde; ás sete e media ofrecemos un obradoiro previo no que practicaremos bailes coma o Serény magyaros, Kecskés ou De doi.

2015- Gergelyes Music Group 20  jpg size (12 of 19)
Ördög útja — O camiño do demo

Vídeo

Baile en Mazaricos (CEIP Víctor Sáenz)

Aquí tedes unhas cantas fotos do obradoiro de baile que fixemos no CEIP Víctor Sáenz a comezos de abril. Marabillosos os nenos e nenas, pasamos moi bos momentos… fixemos unha presentación sobre os csángó, as súas tradicións, a lingua húngara (sorprendeunos cantas preguntas fixeron…!), amosamos os instrumentos e as súas técnicas e aprenderon a dicir algunha palabra en húngaro. Despois tocáronnos eles a versión que prepararan e aprenderan do Bulgárjászka nas frautas de pico!

Aquí demos a benvida ao grupo a Xesús Méndez, que tocou fenomenalmente a frauta e o kaval!

Os profesores e profesoras foron marabillosos, agradecemos especialmente a Susana Doel a organización e o entusiasmo!

Fotos: CEIP Víctor Sáenz

Fundación SGAE

O 19 de marzo, de 17 a 19.30, estaremos na Fundacion SGAE (rúa das Salvadas, 60, 15705 Santiago de Compostela) para amosar e compartir uns bailes con vós!

A entrada custará 5€, agradecemos que vos anotedes no enderezo gergelyes.info@gmail.com!

Non é preciso ter coñecementos previos de baile, só bos ánimos para aprender e compartir un par de horiñas con boa música, moita marcha e movemento!

 

No último baile en Espazo Artístico 10, Lugo. Fotos: Xabier Iglesias

Espazo Artístico 10 1
Foto: Antón Guillén